“Real”ın ulduz futbolçusu Kriştiano Ronaldo PSJ-nin hücumçusu Neymarın kluba transferi iddialarına münasibət bildirib.

Teleqraf.com xəbər verir ki, Ronaldo İspaniya mətbuatına açıqlamasında braziliyalı futbolçunun “kral klubu”na keçməyəcəyini deyib:

“PSJ Neymarı böyük məbləğ ödəyərək transfer edib. Pula ehtiyacları olduqlarına inanmıram. “Real” çox yüksək bir təklif etsə də, fikirləri dəyişməyəcək. Hazırda Neymarın “Real”a transferi mümkünsüzdü. O, hələ çox gəncdi. Bəlkə, gələcəkdə bu keçid mümkün olar, lakin indi mümkün deyil”.

Xatırladaq ki, PSJ Neymarı ötən ilin yayında, “Barselona”dan 222 milyon avroya transfer edib. Hazırda zədəli olan futbolçu vətənində müalicə olunur.