Azərbaycanda qadını işgəncə verərək seksual xarakterli hərəkətlər etməkdə, onu buna məcbur etməkdə təqsirləndirilən Ruslan Abdullayev həbs edilib.

Open.az-ın məlumatına görə, təqsirləndirilən şəxsə Cinayət Məcəlləsinin 133.1-ci ( işgəncə vermə), 128-ci ( qəsdən sağlamlığa yüngül zərər vurma), 150-ci ( seksual xarakterli hərəkətlər etmə) və 151-ci ( seksual xarakterli hərəkətlər etməyə məcbur etmə) maddələri ilə ittiham verilib.

Onun barəsində həbs qətimkan tədbiri seçilib. Ruslan Abdullayev barəsində aparılan cinayət işinin istintaqı başa çatıb. Barəsində toplanan materiallar baxılması üçün Gəncə Ağır Cinayətlər Məhkəməsinə göndərilib.

Cinayət işi hakim Xəqani Səmədovun icraatına verilib.

Məhkəmə proseleri yaxın günlərdə başlayacaq.