Qəbul imtahanını rus dilində verən abituriyentlər üçün vacib olan Azərbaycan dili (dövlət dili kimi) imtahanının müddəti azaldılıb.

Belə ki, indi abituriyentlər onlara təqdim olunan 30 sualı 45 dəqiqə ərzində cavablandırmalıdır.

Cebhe.info xəbər verir ki, bu, Baş nazir Əli Əsədovun imzaladığı “Koronavirus (COVID-19) pandemiyasının ölkənin təhsil müəssisələrində təhsil prosesinə mənfi təsirinin aradan qaldırılması ilə bağlı bəzi tədbirlər barədə” qərarda əksini tapıb.

Qərara əsasən, qəbul imtahanını rus dilində verən abituriyentlər üçün Azərbaycan dili (dövlət dili kimi) fənnindən ayrıca test imtahanın müddəti 1 saat 30 dəqiqədən 45 dəqiqəyə endirilib.