Dominik Respublikasında beş aylıq qız uşağına koronavirusun qarşısını almaq üçün tısbağa qanı içirildikdən sonra körpə dünyasını dəyişib.
BiG.AZ-ın verdiyi xəbərə görə, bu barədə "Daily Mail" yazır.Qəribə "dərman"ı ailəyə Haitinin vudu şamanı tövsiyə edib. Valideynlər özləri qanı içdikdən sonra 7 yaşlı və 5 aylıq qızlarına da içirdiblər.
Bir müddət sonra halları pisləşən ailə üzvləri xəstəxanaya yerləşdirilib. Körpə dünyasını dəyişib, böyük qız və valideynlərinin vəziyyəti isə ağırdır.
2012-ci ilin avqust ayında bu ailədən olan dörd uşaq da vudu şaman tərəfindən müalicə edildikdən sonra ölüb. Şaman onlarda "sirli bir xəstəlik" olduğunu iddia edib.
Daha öncə Hindistanda keşiş koronavirusu məhv etmək üçün kilsədə bir nəfərin başını kəsib.