Meksikada təyyarə qəzası: ölənlər arasında nazir müavini də var
28-03-2021, 21:28
Təyyarədə olan yeddi nəfərdən yalnız biri sağ qalıb
Meksikanın Sonora ştatında ikimotorlu Cessna təyyarəsi qəzaya uğrayıb. AYNA xarici mediaya istinadən bildirir ki, qəza nəticəsində altı nəfər həlak olub.
Hadisə dünən gündüz saatlarında baş verib. Ermosilo şəhərindən ABŞ-ın Tuson şəhərinə uçan təyyarə havaya qalxdıqdan az sonra yerə çırpılıb.
Ştatın baş prokurorluğunun ofisindən verilən məlumata əsasən, qəzada həlak olanlar arasında ştatın iqtisadi inkişaf nazirinin müavini və onun anası da var. Təyyarədə olan yeddi nəfərdən yalnız biri sağ qalıb.
Federal hakimiyyət və prokurorluq qəzanın səbəbini aydınlaşdırmaq üçün təhqiqata başlayıb.
