Meksikanın Kamarqo rayonunda (Tamaulipas ştatı) iki qrup mülki şəxs arasında atışma baş verib.

Trend-in "El Universal" qəzetinə istinadən verdiyi məlumata görə, hadisə yerində 7 ədəd yanmış zirehli avtomobil aşkarlanıb. İnsident nəticəsində azı 8 nəfər həlak olub.

İlkin məlumata əsasən, atışmada "Şimal-şərq karteli" mütəşəkkil cinayətkar qrupunun üzvləri də olub, lakin nə regional, nə də federal hakimiyyət orqanları bunu şərh etməyib.

Xatırladaq ki, Meksika prezidenti Andres Manuel Lopez Obrador aprelin 8-də hakimiyyət orqanlarının bütün səylərinə baxmayaraq, ölkədə qətl hadisələri ilə bağlı vəziyyətin çətin olduğunu etiraf etmişdi.