Bakıda gənc oğlan intihar edib.

Lent.az-ın məlumatına görə, hadisə mayın 25-də paytaxtın Suraxanı rayonu, Hövsan qəsəbəsində qeydə alınıb.

Qəsəbə sakini 25 yaşlı Qasımov Orxan Elşad oğlu yaşadığı evdə üzərinə benzin tökərək özünə od vurub. Nəticədə o, yanaraq ölüb.

Hadisə yerinə rayon hüquq-mühafizə orqanlarının əməkdaşları gəlib. İntiharla bağlı iki versiya üzərində iş aparılır. İlkin ehtimallardan biri, gəncin borca görə özünü yandırmasıdır. İkinci ehtimala görə isə intihar ailə münaqişəsi zəminində baş verib.

Faktla bağlı Suraxanı rayon Prokurorluğunda cinayət işi başlanıb, araşdırmalar davam etdirilir.