Paralel.az xəbər verir ki, fevralın 3-ü səhər saatlarında Şiraz şəhərinin Bidzərd bölgəsində qətl hadisəsi baş verib. Polis bölməsinin rəis müavini, leytenant Əliəkbər Rəncbər bıçaqlanaraq öldürülüb.

Fars vilayətinin Polis İdarəsinin rəis müavini polkovnik Kavus Məhəmmədi qətli törədənləri quldur adlandırıb.

“Bir neçə nəfər xuliqanın törətdiyi qarşıdurma zamani Əliəkbər Rəncbər boyun nahiyəsindən aldığı bıçaq yarası nəticəsində hadisə yerindəcə keçinib. Digər bir polis məmuru isə yaralı vəziyyətdə xəstəxanaya çatdırılıb”-deyə, polkovnik bildirib.

O, qətli törədənlərin kimliyi, neçə nəfər olması barədə açıqlama verməyərək, onların tutulması üçün axtarış-əməliyyat tədbirlərinin başlandığını qeyd edib.
Akif Nəsirli