Dünya birjalarında alüminium qiymətləri bir ton üçün 3 min 236 dollara çatıb. Bu, 2008-ci ilin iyulundan bəri qeydə alınan ən yüksək göstərici olub.

Qeyd olunur ki, son sutka ərzində alüminium 3 faiz bahalaşıb. Ümumilikdə, bu ilin əvvəlindən alüminiumun qiyməti 15 faiz artıb.

Ötən il ərzində isə həmin metal 42 faiz bahalaşmışdı. Mütəxəssislərin fikrincə, bu bahalamaşmaya səbəb Çinin hava çirklənməsinin qarşısının alınması məqsədilə alüminium istehsalını azaltması olub.