Madaqaskar Respublikasında quldurlar tərəfindən evlərin yandırılması nəticəsində azı 32 nəfər ölüb.
Ölənlər arasında qadınlar və uşaqlar da var.
Respublikanın müdafiə naziri, general Riçard Rakotonirina hadisələrdə yerli sakinlərin “dahalos” adlandırdıqları quldurların günahkar olduğunu bildirib.

O, həmçinin əlavə edib ki, quldurların əraziyə hücumu çox güman ki, onlara qarşı əməliyyatlar zamanı sakinlərin təhlükəsizlik qüvvələrinə yardımına görə qisas xarakteri daşıyıb.

Xatırladaq ki, “dahalos” Madaqaskar Respublikasının bəzi yerlərində mal-qara oğurlayan və banditizmlə məşğul olan mütəşəkkil cinayətkar qruplardır.

Mənbə: rossaprimavera.ru