Dnepropetrovskda vəkili zorlamaqda ittiham olunan şəhər məhkəməsinin hakimlərindən birinin işi məhkəməyə verilib. Modern.az Ukrayna KİV-nə istinadən bildirir ki, istintaqın versiyasına görə, hakim iş vaxtı gənc hüquqşünas qadını öz kabinetinə çağıraraq ona hücum çəkərək razılığı olmadan qeyri-təbii yolla cinsi ehtiraslara yönəlmiş hərəkətlər törədib.

Hakimin təqsiri sübut olunarsa, maksimum 5 il azadlıqdan məhrum oluna bilər. Fevralın 3-də Dnepropetrovskda digər hakim öz kabinetində müdafiəçini zorlamağa cəhd edib. O, bu üsulla vəkili prosessual pozuntuya görə cəzalandırmaq istədiyini bəyan edib.