Texnologiya həyatımızın ayrılmaz hissəsinə çevrilib. Telefonlar, planşetlər, sosial şəbəkələr hər biri gündəlik yaşamın tərkib hissəsinə dönüb. Amma valideynlər çox vaxt düşünmür ki, uşaqların əlindəki bu “sakitləşdirici vasitələr” əslində onların gələcəyinə necə təsir edir. Telefon bağımlılığı, görünməyən amma ciddi bir problem kimi, gələcəyin səssiz faciəsini hazırlayır.
Uşaqlar günlərinin böyük hissəsini ekran qarşısında keçirir. Bu sadəcə əyləncə deyil, onların diqqətini, psixologiyasını və sosial bacarıqlarını formalaşdırır. Dikkat və konsentrasiya azalır, fiziki sağlamlıq riskləri, sosial bacarıqlar geri qalır, psixoloji təsirlər baş verir.

Bu problem uzunmüddətli perspektivdə həm fərdi, həm də toplumsal səviyyədə ciddi nəticələr doğura bilər. Məsələn, təhsil səviyyəsi aşağı düşə, diqqət qabiliyyəti zəifləyə bilər.

Gələcəkdə sosial münasibətlər zəifləyəcək, gənc nəsil real dünyada ünsiyyət qurmaqda çətinlik çəkəcək. Yaradıcılıq və problem həll etmə bacarıqları azalacaq, gələcəyin əmək bazarında rəqabət qabiliyyəti zədələnəcək. Bu problemin həlli yalnız valideynlərin diqqətinə bağlı deyil, eyni zamanda cəmiyyətin və təhsil sisteminin məsuliyyətidir.

Uşaqların telefon bağımlılığı sadəcə görünməyən bir problem deyil, gələcəyin sükut içindəki faciəsidir. Telefon uşaqların həyatını idarə etməyə başlamazdan əvvəl, onların diqqətini, yaradıcılığını və sosial bacarıqlarını qorumaq hər kəsin prioriteti olmalıdır. Əks halda, bir gün uşaqların ekran qarşısında sərf etdiyi saatlar onların həyatının ən vacib bacarıqlarını “sindirmiş” olacaq.

Leyla Mirzə, Bizimyol.info