ABŞ-da isti havalar vəhşi heyvanları çaşdırıb

ABŞ-ın Kaliforniya ştatının Los-Anceles şəhərinin Burbank səmtində həddindən artıq istilərdən əziyyət çəkən ayı çarəni hovuza girməkdə görüb.

Reyting.az-ın məlumatına görə, ölkədəki təsirli istilər ayını evin bağçasındakı hovuza girmək məcburiyyətində qoyub.

Hovuzda sərinləyən ayı daha sonra rahat nəfəs alaraq özünə gəlib.

Daxil olan məlumat əsasında əraziyə gələn polis bildirib ki, evin bağçasına çatanda ayını ağacda tapıblar.

Burbank Polis Departamenti sakinlərə xəbərdarlıq edib ki, ayıların evlərə yaxınlaşa bilməməsi üçün zibil və yeməklərini bağlı yerlərdə saxlasınlar.