SSRİ-nin keçmiş mədəniyyət naziri Vasili Zaxarov 90 yaşında vəfat edib.

32gun.az xəbər verir ki, RİA Novosti- yə Zaxarovun həmkarlarından birinin nəvəsi bildirib. O, dəfn mərasiminin oktyabrın 21-i saat 11:30-da keçiriləcəyini desə də, harada olacağını açıqlamayıb.

Vasili Zaxarov 1934-cü il yanvarın 5-də Tver vilayətinin Xriplı kəndində anadan olub. 1968-ci ildə Lensovet adına Leninqrad Texnologiya İnstitutunda siyasi iqtisad kafedrasının müdiri olmuş və 1973-cü ilə qədər bu vəzifədə qalmışdır. 1978-ci ildə Zaxarova Sov.İKP Leninqrad Vilayət Komitəsinin katibi, 1983-cü ildə isə Sov.İKP MK-nın təbliğat şöbəsinin müdirinin birinci müavini təyin edilib.

Zaxarov 1986-cı ildə SSRİ mədəniyyət naziri oldu. O, 1989-cu ilə qədər bu vəzifədə çalışıb, bundan sonra daha bir il, 1990-cı ilə qədər RSFSR Nazirlər Soveti sədrinin müavini olub.

1990-cı ildən Zaxarov SSRİ-nin Yuqoslaviyadakı səfirliyində nazir-müşaviri olub, 1994-cü ildə təqaüdə çıxıb.