Qubada mikroavtobusla minik avtomobili toqquşub, xəsarət alanlar var
23-10-2023, 22:14
Qubada mikroavtobusla minik avtomobili toqquşub, xəsarət alanlar var.
"Report"un Şimal bürosunun məlumatına görə, hadisə Quba-Xaçmaz avtomobil yolunun Zərdabi qəsəbəsindən keçən hissəsində qeydə alınıb.
Belə ki, "Quba-Zərdabi" marşrutu üzrə işləyən “Mercedes” markalı mikroavtobusla “VAZ-2106” markalı minik avtomobili toqquşub.
İlkin məlumata görə, hadisə nəticəsində 7 nəfər müxtəlif dərəcəli xəsarətlər alıblar.
Yaralılar Quba Mərkəzi rayon Xəstəxanasına yerləşdiriliblər.
Qəzanın səbəbləri araşdırılır.
