Ukraynanın Nikolayev vilayətinin polisi Azərbaycan vətəndaşı, Bəyimli kəndinin sakini (rayon göstərilmir) Məmmədov Ehtiram Əsabil oğlunu düz 20 ildir ki, axtarır.

Virtualaz.org xəbər verir ki, 1977-ci ildə anadan olmuş Məmmədov 1997-ci ildə narkotik maddənin satış məqsədi olmadan qanunsuz yolla əldə edilməsi, saxlanılması və daşınması maddəsi üzrə 2 il azadlıqdan qiyabi məhrum edilib. Ancaq onu tapıb cəzasını çəkməyə göndərə bilmir. İndi Nikolayev polisi vətəndaşlardan xahiş edir ki, həmin şəxsin barəsində informasiyaları varsa onlara çatdırsınlar.