Bu gün saat 19:18-də Bakı-Pirşağı-Sumqayıt istiqamətində hərəkət edən sürət sərnişin qatarı Zabrat sahəsində bir nəfəri vurub.

Referans.az xəbər verir ki, bu barədə Azərbaycan Dəmir Yolları QSC paylaşım edib.

Paylaşımda qeyd olunur ki, stansiya əməkdaşları tərəfindən hadisə yerinə dərhal təcili tibbi yardım briqadası çağrılsa da, həmin şəxs aldığı ağır bədən xəsarətlərindən dünyasını dəyişib.

Qeyd olunur ki, qadın hərəkətdə olan qatarın yoluna çıxıb. Maşinist tərəfindən təcili tormozlama aparılsa da, məsafə az olduğundan hadisə qaçılmaz olub.