Kardioloq Roy Jogia deyir ki, qoz-fındıq, tərəvəz və yağsız ət sağlam ürək pəhrizinin əsasını təşkil edir.
O, Daily Mirror-a müsahibəsində ürək-damar xəstəliklərinin qarşısının alınması üçün ən yaxşı yeməklərin adını çəkib.Həkim qeyd edib ki, ürək və qan damarları üçün faydalı olan qidalanma çox müxtəlif ola bilər. Onun fikrincə, ən yaxşısı Aralıq dənizi pəhrizinin tövsiyələrinə əməl etməkdir.Kardioloq qeyd edib ki, o, özü də Aralıq dənizi pəhrizinə riayət etməyə çalışır, lakin bunu öz zövqünə uyğunlaşdırıb. Onun sözlərinə görə, səhər yeməyində təzə meyvə ilə qozlu sıyıq yeyir, naharda isə qarnirdə taxıl və rəngarəng tərəvəzlərlə yağsız ət yeyir. “Qəlyanaltılar üçün bir ovuc qoz-fındıq və ya meyvə kimi yüngül qəlyanaltılar yeyirəm. Axşam yeməyi adətən ürək üçün faydalı yeməklərdən, məsələn, bişmiş qızılbalıqdan və ya göyərti ilə mərciməkdən ibarətdir”, - deyə həkim bildirib.