Müdafiə nazirinin müavini general-mayor Fuad Məmmədov keçmiş həyat yoldaşını məhkəməyə verib. Bu barədə Gununsesi.info-ya Nəsimi rayon Məhkəməsindən bildirilib. Məlumatda qeyd olunur ki, generalın keçmiş xanımını məhkəməyə verməsinin səbəbi azyaşlı övladları ilə görüşməsinə maneçilik yaratması olub. Belə ki, həftədə bir dəfə övladları ilə görüş hüququ olan general amma buna nail ola bilmir.
İş hazırda Nəsimi rayon Məhkəməsinin hakimi Pərviz Hüseynovun icraatındadır.
Proses davam edir.
Qeyd edək ki, Fuad Məmmədov Müdafiə nazirinin müavini, Maddi-Texniki Təminat Baş İdarəsinin rəisi vəzifəsini daşıyır.