Əfqanıstanın şimal-şərqində, Pakistanla sərhədin yaxınlığında 6.2 maqnitudalı yeraltı təkan qeydə alınıb.

Bu barədə Rusiya Elmlər Akademiyasının Vahid Geofiziki Xidmətinin Altay-Sayan filialı məlumat verib.

Filialın operativ məlumatına əsasən, çərşənbə günü Bakı vaxtı ilə saat 03:14-də qeydə alınan zəlzələnin episentri Pakistan sərhədindən təxminən 14 km aralıda, Əfqanıstanın Əsədabad şəhərindən 89 km şimalda yerləşib.

Episentrdəki silkələnmələrin intensivliyinə görə zəlzələ "dağıdıcı" kimi qiymətləndirilib.

ABŞ Geoloji Xidməti zəlzələnin maqnitudasını 5.6 olaraq qiymətləndirib. Qurumun məlumatına görə, zəlzələnin ocağı 99 km dərinlikdə yerləşib.