Biləsuvarda yol-nəqliyyat hadisəsi baş verib.

Referans xəbər verir ki, hadisə rayonun Bəydili kəndində qeydə alınıb.

Belə ki, Vətən müharibəsi iştirakçısı Əfsun Əhmədlinin idarə etdiyi VAZ-21099 markalı minik avtomobili idarəetmədən çıxaraq körpüdən çaya aşıb.

Hadisə zamanı avtomobildə olan şəhid atası Qəhrəman Bağırov və sürücü suda boğulmaq təhlükəsi ilə üzləşiblər və yaxınlıqda olan kənd sakinlərinin köməyilə son anda xilas ediliblər.

Q.Bağırov və sürücü müxtəlif dərəcəli xəsarətlərlə Biləsuvar Rayon Mərkəzi xəstəxanasına çatdırılıblar.

Qeyd edək ki, Qəhrəman Bağırovun yeganə oğlu Hikmət Bağırov Vətən müharibəsində şəhid olub.

Faktla bağlı araşdırma aparılır. (Oxu.az)