Ermənistanın Müdafiə Nazirliyinə məxsus "ZİL" markalı avtomobil Sünik vilayətində qəza törədib.

AzVision.az erməni KİV-lərinə istinadən xəbər verir ki, bu gün saat 11:00 radələrində Qafan-Mehri yolunun Lick kəndinin inzibati ərazisində orduya məxsus "ZİL" hərbi maşını "Mercedes" markalı avtomobillə toqquşub.

Qəza nəticəsində 4 nəfər xəsarət alıb. Yaralılar "Mehri" tibb mərkəzinə aparılıb. Hazırda sürücü və yaralıların kimliyi dəqiqləşdirilir.

Faktla bağlı araşdırma aparılır.