Yəməndə husilər tanklarla Ədən şəhərinə daxil olublar. FaktXəbər-in verdiyi məlumata görə, bu barədə Bəhreynin «Əl-Vasat» qəzeti şahid sözlərinə istinadlən məlumat yayıb.

Bildirilir ki, husilərin çoxsaylı bölmələri ağır pulemyotlar quraşdırılmış tank və yük maşınlarının müşaiyyəti ilə Ədənin mərkəzində Xor Maksar rayonuna gəliblər.

Xatırladaq ki, Səudiyyə Ərəbistanının başçılığı ilə Fars körfəzi ölkələrinin də daxil oluduğu beynəlxalq koalisiyanın, həmçinin Misir, Sudan və İordaniyanın dəstəyi ilə ötən həftədən husilərə qarşı hərbi əməliyyatlara başlayıb. HHQ-nin Sanada həyata keçirdikləri əməliyyatlar nəticəsində qadınlar və uşaqlar da daxil olmaqla onlarla dinc sakin həlak olub.