Malayziyada smartfonun partlaması yerli biznesmenlərdən birinin ölümünə səbəb olub.

Yenicag.az xarici mətbuata istinadən xəbər verir ki, yerli şirkətlərdən birinin icraçı direktoru olan Nazrin Hassan gecə yatarkən telefonu partlayıb. 45 yaşlı biznesmen smartfonunu elektrik şəbəkəsinə qoşaraq yatdığından gecə saatlarında partlayış baş verib. Partlayışdan sonra otaqda yanğın da olub. Faciə nəticəsində Hassan dünyasını dəyişib. Lakin onun dəqiq ölüm səbəbi aparılan ekspertizadan sonra bəlli olacaq.

Məlumata görə, mərhumun iki smartfonu (Blackberry və Huawei) olub. Lakin onlardan hansının partladığı açıqlanmır.