Çeçenistanın paytaxtı Qroznı şəhərində iri ticarət-əyləncə mərkəzində yanğın baş verib.

Axar.az Rusiya Fövqəladə Hallar Nazirliyinin mətbuat xidmətinə istinadən xəbər verir ki, yanğın “Qrand Park” adlı mərkəzin 3-cü mərtəbəsində olub.

Yerli vaxtla 22:10-da söndürülən yanğın 700 kv/m sahəni əhatə edib.

İlkin araşdırmalara görə, ticarət mərkəzində yanğından mühafizə ilə bağlı təhlükəsizlik qaydalarına riayət edilməyib.

Olayda xəsarət alanların olub-olmaması ilə bağlı məlumat verilmir.