“Ümumdünya Səhiyyə Təşkilatı (ÜST) koronavirusa qarşı vaksinasiyanın məcburi olduğunu hesab etmir”.

TASS-ın məlumatına görə, bu sözləri ÜST rəsmisi Keyt Obrayn deyib.

"Düşünmürəm ki, məcburi vaksinləmə yolu ilə getməliyik", - o deyib.

Bir qədər əvvəl analoji fikirlə Ümumdünya Səhiyyə Təşkilatının Fövqəladə vəziyyətlər üzrə proqram direktoru Maykl Rayan da çıxış edib.

Qeyd edək ki, pandemiyanın əvvəlindən dünyada koronavirusa 67 milyon yoluxma qeydə alınıb, virusa yoluxmuş 46 milyon insan sağalıb, eyni zamanda 1,5 milyondan çox pasiyent təhlükəli infeksiyanın qurbanı olub.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.