Ukraynada təyyarə qəzasında üç ABŞ vətəndaşı və yerli pilot ölüb

29-07-2021, 07:11           
Ukraynada təyyarə qəzasında üç ABŞ vətəndaşı və yerli pilot ölüb
Ukraynanın İvano-Frankovsk vilayətində idman təyyarəsinin qəzaya uğraması nəticəsində üç ABŞ vətəndaşı ölüb.

APA xəbər verir ki, bu barədə Ukraynanın “Strana” qəzeti hüquq-mühafizə orqanlarına istinadən məlumat yayıb.

Ukraynanın Dövlət Fövqəladə Hallar Xidmətinin məlumatına görə, təyyarə şəxsi evlərin üzərinə düşərək yanıb, nəticədə 4 nəfər ölüb.

“Strana” qəzeti yazır ki, ölənlər “üç ABŞ vətəndaşı və bir yerli pilot İqor Tabanyukdur”. Qeyd olunur ki, Çexiya istehsalı olan “Advantic WT10” təyyarəsi İvano-Frankivsk vilayətinin Kolomıye şəhər aerodromunda xarici turistlər üçün uçuşlar həyata keçirirmiş.

Hadisə yerində araşdırmalar aparılır. İnsidentin pilotun uçuş təhlükəsizliyi qaydalarını pozması və ya avadanlığın nasazlığı səbəbindən baş verdiyi ehtimal olunur.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.