Hindistanın Səhiyyə və Ailə Rifahı Nazirliyi son gün ərzində ölkədə koronavirusa 41 790 yeni yoluxma faktı qeydə alıb. Bununla da, ölkədə COVID-19 infeksiyasına yoluxanların ümumi sayı 31 654 584 nəfərə çatıb.

Bu barədə “Report nazirliyin saytına istinadən xəbər verir.

Son 24 saat ərzində ölkədə həyatını itirən koronavirus xəstələrinin sayı 542 nəfər artaraq, 424 384 nəfərə çatıb.

Xatırladaq ki, Hindistan koronavirusa yoluxma sayına görə dünyada ABŞ-dan sonra ikinci, ölüm sayına görə isə ABŞ və Braziliyadan sonra üçüncü yeri tutur.