Ermənistanda ərzaq məhsullarının qiyməti rekord həddə qalxıb
14-08-2021, 12:56
Avqustun 13-də yerli Statistika Komitəsinin yaydığı məlumata görə, bu ilin iyulunda ərzaq məhsullarının qiyməti, ötən ilin eyni vaxtı ilə müqayisədə 13,9% bahalaşıb.
Belə ki, ötən ay, 2020 -ci ilin iyul ayı ilə müqayisədə çörək 8,6%, ət - 9,7%, yumurta - 51,3%, yağ - 15,9%, şəkər - 39,4%, konservləşdirilmiş süd 10,4% və s məhsulların qiyməti xeyli bahalaşıb.
Yerevan sakinləri qida məhsullarının bahalaşmaqda davam etməsindən narazılıq bildirirlər.
Bundan bir qədər əvvəl, ölkədə yanacaq və digər xidmət növlərinin də bahalaşması barədə məlumat yayılmışdı ("Azadlıq Radiosu")