Talibana müqavimət göstərməyə çağıran Əfqanıstanın vitse -prezidenti Əmrullah Saleh təslim olmağı və taliblərə beyət etməyi qəbul etməyəcəyini söylədi. Bu barədə “La Monde” xəbər verir.

"Bizim siyasi məqsədimiz - Əfqanıstan xalqına dövlətin təbiəti və quruluşu haqqında fikrini bildirməyə imkan verməkdir. Bu mövzuda danışıqlara biz hazırıq. Amma bizdən beyət və ya təslim olmaq istəsələr, bunu etməyəcəyik", - deyə Saleh bildirib.

Əmrullah Saleh bir daha qeyd etdi ki, qanuna əsasən, hazırda o ölkə başçısıdır. “Bizim legitimliyimiz var... Zorla əldə edilən güc isə legitimlik vermir", - Saleh əlavə edib.

Qeyd edək ki, daha əvvəl Əmrullah Saleh bəyan edib ki, qaçan prezident Əşrəf Qənidən fərqli olaraq, o ölkəsində qalıb və Konstitusiyaya görə müvəqqəti dövlət başçısı sayılır. O, həmçinin Talibana müqavimət göstərməyə çağırıb.

virtualaz.org