Eastnews.org-un verdiyi xəbərə görə, Rusiyada hüquq-mühafizə orqanları Kotelnikidəki bir məsciddə 600 nəfəri saxlayıb.

Bu barədə saxlanılanlara hüquqi yardım göstərən vəkil Lidiya Anosova məlumat verib.

"Onların sənədləri yoxlanılır, hələlik heç bir şeydə günahlandırılmırlar", - deyə vəkil açıqlama verib.

Anosova saxlanılanlarla hüquqlarına riayət olunaraq hörmətlə yanaşıldığını vurğulayıb.

Rusiya Federasiyası Daxili İşlər Nazirliyinin Moskva Bölgəsi Baş İdarəsinin mətbuat xidməti həbslərlə bağlı məlumatları yoxladıqlarını bildirib.