Milli Məclisdə boş qalan yerlər - Neçə dairədə seçki olacaq?
12-12-2021, 15:30
Hazırda Azərbaycan Milli Məclisi 120 deputatla fəaliyyət göstərir.
Modern.az-ın məlumatına görə, parlamentdə 5 deputat yeri boş olduğundan 125 seçki dairəsindən 120-si təmsil olunur.
Belə ki, 2020-ci il fevralın 9-da keçirilən növbədənkənar parlament seçkilərindən sonra Mərkəzi Seçki Komissiyası (MSK) nöqsanlar aşkarlanan 4 seçki dairəsinin nəticələrini ləğv edib.
33 saylı Xətai birinci, 35 saylı Xətai üçüncü, 74 saylı Lənkəran kənd və 80 saylı İmişli-Beyləqan seçki dairələridir.
Ötən il avqustun 4-də Fəttah Heydərov vəfat etdiyinə görə, 116 saylı Qəbələ seçki dairəsinin də Milli Məclisdə təmsilçisi yoxdur.
Beləliklə, parlamentdə boş qalan deputat yerlərinin sayı 5-ə çatıb.
