Rusiyanın “Pantsir” zenit-raket kompleksləri asanlıqla “Bayraqdar”ı zərərsizləşdirə bilər, bu PUA-ları “ləzzətli” hədəfə çevirər.

Axar.az xəbər verir ki, bu sözləri Rusiyanın Kosmik-Hərbi Qüvvələrinin zenit-raket qoşunlarının rəis müavini Yuri Muravkin deyib.

“Bayraqdar” çəki-qabarit xarakteristikası, sürəti ilə “Pantsir” üçün rahat hədəfdir”, - deyə Muravkin bildirib.

O, “Bayraqdar” və İsrail raketlərinin nə üçün Suriya və Liviyada “Pantsir”i məhv etməsi ilə bağlı sualı isə qəribə tərzdə cavablandırıb. Muravki deyib ki, belə halda rus sistemləri ya operatorsuz qalıb, ya da lazımi şəkildə kamuflyaj olunmayıb.