Yaxın zamanda Livana geri qayıdacağam və ölkəmin suverenliyini işğalçılardan geri almaq üçün mübarizə aparacağam.

Axar.az xəbər verir ki, bunu Livanın sabiq baş naziri Rəfiq Həririnin böyük oğlu Bəha Həriri deyib.

“Dinimiz, əxlaqımız və tərbiyəmiz bizə Livanın inkişafı üçün bütün imkanlarımızı səfərbər etmək məsuliyyətini tələb edir. Atamın açdığı yolla gedəcəyəm. Livan cəmiyyətinin hər hansı bir komponentində yaşanacaq boşluqla bağlı hədə-qorxu və ya dezinformasiya yalnız vətən düşmənlərinə xidmət edir”, - Həriri bildirib.

Qeyd edək ki, B.Həriri mayın 15-də planlaşdırılan seçkilərdə namizədliyini irəli sürəcəyini açıqlamasa da, yerli mətbuatda bu istiqamətdə informasiyalar yer alır.