İlon Mask “Twitter”dəki maraqlı paylaşımları ilə yenidən gündəmə düşüb. Sahibkarın Rusiya prezidenti Vladimir Putini təkbətək döyüşə dəvət etdiyi barədə məlumat vermişdik.

Bizim.Media xəbər verir ki, bu məlumatdan sonra Maska başqa bir rusiyalı rəqib gəlib.

Sabiq nazir və “Roskosmos”un rəhbəri Dmitri Roqozin İlon Maskın tvitindən sitat gətirərək A. S. Puşkin "Papa və onun işçisi Baldanın nağılı"ndan bir bənd paylaşıb:

“Sən, balaca şeytan, hələ gəncsən,

Mənimlə zəif yarış;

Bu, yalnız vaxt itkisi olardı.

Əvvəlcə qardaşımı keç”.

“SpaceX” və “Tesla”nın təsisçisi olan Maskın da Roqozinə cavabı gecikməyib.

“Çox sərt danışıqlar apardığınızı görürəm. Yaxşı, hər baxış puluna görə 10% daha çox ödəniş əldə edə bilərsiniz” – deyə Mask qeyd edib.