Keyt Middltonun xeyriyyə fondunun rəhbəri qatil çıxdı

29-05-2023, 11:31           
Keyt Middltonun xeyriyyə fondunun rəhbəri qatil çıxdı
Uels şahzadəsi Keyt Middltonun himayəsi altında olan Britaniyanın "Action for Children" adlı uşaq xeyriyyə təşkilatının rəhbəri keçmişdə qətl törədib.

O, etiraf edib ki, bütün həyatı boyu buna görə peşmandır.

Teref.Az oxu.az-a istinadən xəbər verir ki, hissləri barədə 60 yaşlı Pol Karberi mətbuata danışıb.

16 yaşında ikən Karberi Qlazqoda küçə dəstəsinin üzvü olub. 1979-cu ildə futbol matçı üçün Qlazqodan Londona gedən qatarda əlbəyaxa dava zamanı 21 yaşlı gənci bıçaqlayıb və digər sərnişini yaralayıb. Gənc həbs olunub və 1985-ci ildə azadlığa çıxıb.

Cəzasını çəkdikdən sonra Pol Karberi polisdə - xüsusən də Şotlandiyanın gənclər arasında mütəşəkkil cinayətkarlıqla mübarizə şöbəsində karyera qurub.

Keçən il o, uşaqlara və gənclərə dəstək verən "Action for Children" fondunun rəhbəri təyin edilib. Pol Karberinin həmkarları onun keçmişindən xəbərdar olsalar da, Uels şahzadəsi bundan bixəbər olub.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.