İsveç hökuməti Ukraynadakı nüvə təhlükəsizliyini gücləndirmək məqsədilə Beynəlxalq Atom Enerjisi Agentliyinə (MAQATE) təxminən 1,8 milyon avro məbləğində maliyyə dəstəyi ayıracaq.
Bu vəsait MAQATE-nin Ukraynadakı missiyalarının davamlılığını təmin etmək üçün istifadə ediləcək.

İsveçin xarici işlər naziri Mariya Malmör Stenerqaard bildirib ki, bu yardım Rusiya tərəfindən başlanan genişmiqyaslı işğal fonunda Ukraynaya yönəlmiş beynəlxalq dəstəyin bir hissəsidir.

Yardım, əsasən, MAQATE-nin Çernobıl və Zaporojjya daxil olmaqla Ukraynadakı AES-lərdə çalışan ekspert missiyalarının maliyyələşdirilməsinə yönələcək. Bu dəstək nüvə obyektlərində silahlı hücumların riskini azaltmaq, obyektiv informasiya təmin etmək və yayılma riski ilə bağlı tövsiyələr təqdim etmək məqsədi daşıyır.