Belarusa yerləşən vaqnerçilərin sayı açıqlandı
31-07-2023, 10:26
Belarus ərazisində 5 minə yaxın vaqnerçi var və onlar gəlməkdə davam edir.
Axar.az xəbər verir ki, bu sözləri Ukrayna Dövlət Sərhəd Xidmətinin nümayəndəsi Andrey Demçenko deyib.
O bildirib ki, sərhəddə vəziyyət Ukrayna ordusu və Sərhəd Xidmətinin tam nəzarəti altındadır:
“Muzdluların Ukrayna ilə sərhəddən xeyli aralıda olmasına baxmayaraq, Ukrayna kəşfiyyat xidmətləri, o cümlədən Dövlət Sərhəd Xidmətinin kəşfiyyatı vəziyyəti fəal şəkildə izləyir. Hazırda “Vaqner”in Belarus ərazisindəki üzvlərinin sayı dövlət üçün ciddi təhlükə törətmir”.
