Amerikalı alimlər cərrahi robot və onu idarə edən süni intellekt alqoritmi hazırlayıblar ki, bu da həmin robota ilk dəfə həkimin göstərişi olmadan və ya bədənin toxuma və orqanlarının müxtəlif hissələrinə çəkilən xüsusi işarələr olmadan mürəkkəb öd kisəsi əməliyyatını həyata keçirməyə imkan verib.

Bu barədə Cons Hopkins Universitetinin (JHU) Mətbuat Xidməti məlumat yayıb.

"Bu sıçrayış bizə cərrahların ayrı-ayrı hərəkətlərini yerinə yetirə bilən robotlardan cərrahi prosedurları anlamağa qadir maşınlara keçməyə imkan verir.

Bu bizi real xəstələrin qayğısına qalmaqla bağlı gözlənilməz və potensial problemli şəraitdə işləyə bilən avtonom cərrahi sistemlərin inkişafına daha da yaxınlaşdırır", - deyə məlumatda bildirilir.