Avropa İttifaqı fövqəladə hallara hazırlıq məqsədilə peyvənd, dərman və digər tibbi vasitələrin ehtiyatını yaratmaq üçün yeni tədbirlər planı təqdim edib.
İqtisadiyyat.az xəbər verir ki, Aİ Komissiyasının açıqladığı strategiyaya əsasən, gələcəkdə baş verə biləcək geosiyasi gərginliklər, iqlim dəyişiklikləri, kiber və hibrid təhdidlər fonunda üzv ölkələr arasında koordinasiyalı şəkildə ehtiyat sistemi qurulacaq.

Yeni plan çərçivəsində üzv ölkələr birgə “Aİ Ehtiyat Şəbəkəsi” yaradacaq. Bu şəbəkə vasitəsilə ölkələr arasında təcili ehtiyac mallarının – o cümlədən ərzaq, su, yanacaq, dərman və sanitar vasitələrin ehtiyatı koordinasiyalı şəkildə həyata keçiriləcək.