“Vaqner” rəhbəri Yevgeni Priqojinin və iki müavininin ölümündən sonra muzdlular Rusiya ordusuna birləşdirilərək qırğın üçün Ukraynaya geri göndəriləcək.

Axar.az xəbər verir ki, bunu ukraynalı hərbi-siyasi müşahidəçi Aleksandr Kovalenko deyib.

“Muzdlular Rusiya ordusuna inteqrasiyanı gözləyirlər, onlar artıq Müdafiə Nazirliyi ilə müqavilələr imzalayırlar, heç bir müqavimət olmayacaq. Tezliklə onlar Ukraynada döyüş bölgəsində görünəcəklər”, - Kovalenko bildirib.

Ekspertin sözlərinə görə, muzdluların dəqiq hara göndəriləcəyi cəbhədəki vəziyyətdən asılı olacaq.