Ekspertlərin ən təhlükəsizlərdən biri adlandırdığı Meksikanın büdcəli aviaşirkəti “Volaris”in Qvadalaxara-Mexiko reysi kabinəni ağcaqanadların “işğal etməsindən” sonra bir neçə saat gecikib.

Editor.az “Storyful”a istinadən xəbər verir ki, təyyarədə olan sərnişinlər internetdə yayılan videolar çəkiblər. Uçuş bələdçiləri çılğın şəkildə qollarını yelləyərkən və problemi idarə etmək üçün havaya həşərat kovucu səpərkən kabinədə ağcaqanadların dövrə vurduğunu göstəriblər. Saat 16:30-da həyata keçirilməli olan uçuş, qanadlı “bədxah”lar üzündən saat 19:00-a təxirə salınıb.

Ağcaqanadların təyyarəyə necə daxil olduğu hələlik məlum deyil. Lakin bu, onların Qvadalaxara Beynəlxalq Hava Limanında “təyyarəyə minməsi” ilk dəfə deyil. 2019-cu ildə də “Volaris” təyyarəsinin göyərtəsində oxşar hadisə qeydə alınıb.