Avdeyevka dəhşəti: 10 illik əfqan savaşından çox…

29-02-2024, 00:06           
Avdeyevka dəhşəti: 10 illik əfqan savaşından çox…
Ukraynanın Avdeyevka şəhəri uğrunda dörd ay davam edən döyüşlərdə Rusiya ordusu SSRİ-nin Əfqanıstanda 10 ildə itirdiklərindən daha çox hərbçi itirib.

Bu barədə “Moskva vaxtı” (The Moscow Times) məlumat yayıb.

Hərbi analitiklərin, rusiyalı hərbi blogerlərin və Ukrayna rəsmilərinin hesablamaları göstərir ki, Rusiya Avdeyevka uğrunda gedən döyüşdə Əfqanıstandakı onillik müharibədən daha çox əsgər itirib.

Bildirilib ki, Sovet ordusunun 1979-1989-cu illərdə Əfqanıstanda ölən hərbçilərinin (KQB və DİN əməkdaşları daxil olmaqla – red.) sayı 15 mindən bir qədər çox idi.

Ukrayna “Tavriya” komandanlığının nümayəndəsi Andrey Lixovoy rusların Avdeyevkada 17 min hərbçi itirdiyini, 30 mindən çox əsgərin də yaralandığını bildirib.

Digər tərəfdən, rusiyalı hərbi jurnalist Andrey Morozov da Rusiya qoşunlarının böyük itkiləri olduğunu təsdiqləyib, bu rəqəmin 16 minə çatdığını qeyd edib.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.