Kosmosun yeni heyrətamiz şəkilləri çəkildi VİDEO

24-05-2024, 15:14           
Kosmosun yeni heyrətamiz şəkilləri çəkildi  VİDEO
Avropa Kosmik Agentliyinin (ESA) layihəsi olan "Evklid" Kosmik Teleskopu bir çox astronomik obyektləri görünməmiş detallarla göstərən kosmosun bir neçə yeni şəklini çəkib.

Bu teleskop kainatın ən sirli elementlərindən ikisini tədqiq edir: qaranlıq enerji və qaranlıq materiya, adətən bunlar birlikdə qaranlıq kainat adlandırılır.

Qaranlıq enerji kainatın genişlənməsini sürətləndirən qüvvədir, qaranlıq materiya isə işıqla qarşılıqlı əlaqədə olmadığı üçün faktiki olaraq görünməz maddə formasıdır.

Kosmosun yeni təsvirləri teleskopun ilkin müşahidələrinin bir hissəsidir və o, sadəcə verilən tapşırıqları yerinə yetirmir, həm də alimlərin ilkin gözləntilərini üstələyə bilir. "Evklid" teleskopundan alınan yeni şəkillər, 600 meqapiksellik kamerası sayəsində yerüstü teleskoplardan çəkilən şəkillərdən ən azı dörd dəfə daha dəqiqdir. ESA alimlərinin fikrincə, bunlar kainatın indiyədək kosmosdan çəkilmiş ən böyük şəkilləridir və incə detallarla səmanın geniş sahələrini əhatə edir.

Mənbə: space.com












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.