III Çarlz oğlunu təhdid etdi

11-06-2024, 12:54           
III Çarlz oğlunu təhdid etdi
Xərçəngdən əziyyət çəkən Böyük Britaniya kralı III Çarlz kiçik oğlu şahzadə Harridən kral ailəsinin sirlərini açıqlamağı dayandırmağı xahiş edib.

Bunu “Daily Mirror”a eksklüziv müsahibəsində kralın bioqrafı Tom Quinn deyib.

“Harridən birbaşa ailəsi və ya qardaşı haqqında heç nə deməməyi və ya yazmamağı xahiş etdi, nəticələri ilə hədələdi. Və hamı bilir ki, monarx sizdən nəsə etməyi tələb edəndə və siz ona əməl etməsəniz, bunun nəticələri olacaq”, - Quinn bildirib.

O qeyd edib ki, şahzadə Harri ABŞ-yə getməzdən əvvəl ailəsinin onunla necə rəftar etdiyindən daim şikayətlənib, beləliklə, Çarlz III və şahzadə Uilyam günahlarını etiraf edib üzr istəyiblər.

“Harri təkbətək söhbətin nəticə verə biləcəyini başa düşmür. İctimai şikayətlər isə vəziyyəti daha da pisləşdirir”, - o bildirib.

Qeyd edək ki, 2020-ci ildə şahzadə Harri və həyat yoldaşı Meqan Markl kral ailəsinin üzvləri titullarından imtina edərək ABŞ-nin Kaliforniya ştatına köçüb. Bu, Harri ilə qohumları arasında münasibətlərin soyumasına səbəb olub.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.