İlon Maskın "Tesla" şirkəti "Cybertruck"ın satışına qoyulan qadağanı yenidən ləğv edib. "X" istifadəçiləri qeyd ediblər ki, şirkət "Cybertruck"ın yenidən satılmaq şərtini sakitcə alqı-satqı müqaviləsindən çıxarıb.

Oxu.Az bu barədə ixbt.com-a istinadən xəbər verir.

Şirkət əvvəllər müştərilərə çatdırıldıqdan sonra bir il ərzində "Cybertruck Foundation Series" avtomobilinin satışını qadağan etmişdi. Əks halda, onları 50 000 dollar və ya daha çox cərimə gözləyirdi.

Qadağaya baxmayaraq, bəzi alıcılar hələ də "Cybertrucks" avtomobilini yenidən satır və riskə gedirdilər, bir çoxları isə bu tələblə bağlı mənfi fikirlərini bildirirdilər. "Tesla", həmçinin "Cybertruck"ı yenidən satanlara yeni pikaplar almağı qadağan etmişdi. İndi bu bənd də ləğv edilib.