Bu həftə Çinin şimal-şərq şəhərini bürümüş güclü leysan yağışları 11 nəfərin ölümünə, 14 nəfərin itkin düşməsinə, 1 milyard dollardan çox ziyana səbəb olub.

Dövlət yayımı CCTV bildirib ki, Liaoninq əyalətinin Huludao şəhərində həyatını xilas etməyə çalışan bir məmur həlak olub. Xilasedicilərin hələ də "tarixi nadir" dağıdıcı yağış zamanı itkin düşənləri tapmağa çalışdıqları deyilir.

Yayım şirkətinin bir görüntüsü yolların ciddi şəkildə su altında qaldığını göstərir. Rəsmilərin ilkin hesablamalara görə, təbii fəlakətdən 188,8 min nəfər zərər çəkib, itkilər təxminən 1,4 milyard dollar təşkil edib. Çox sayda yol, körpü və kabellər zədələnib.

CCTV qeydə alınan maksimum gündəlik yağıntının 52,8 santimetr olduğunu və əyalət rekordunu qırdığını bildirib. Deyilənə görə, şəhərin ən çox zərər çəkmiş hissələri yarım gün ərzində bir illik yağışla üzləşib və ümumilikdə bu, 1951-ci ildə meteoroloji qeydlər başlayandan bəri Huludaoda ən güclü yağış olub.

Çin hökuməti təbii fəlakətlə mübarizə üçün 7 milyon dollar vəsait ayırıb. Çin son bir ayda pik daşqın mövsümünün ortasında olub. Çin siyasətçiləri dəfələrlə xəbərdarlıq ediblər ki, sərt hava şəraiti adiləşdiyindən hökumət fəlakətə hazırlıqları gücləndirməlidir.

Çində son iki ayda leysan yağışları nəticəsində bölgədə torpaq sürüşmələri və daşqınlar 150-dən çox insanın həyatına son qoyub.