Bazar günü İsrail Qəzzada altı girovun cəsədini aşkar etdiyini bildirib. Onlar arasında valideynlərinin dünya liderləri ilə görüşdüyü və onun azad edilməsini tələb etməsi ilə məşhurlaşan gənc israilli amerikalının cəsədi var.

Hərbçilər bildiriblər ki, altı nəfər İsrail əsgərləri gəlməmişdən bir müddət əvvəl öldürülüb.

Bu, baş nazir Benyamin Netanyahuya qarşı kütləvi etiraz çağırışlarına səbəb olub, bir çox israilli HƏMAS ilə 10 aylıq müharibəyə son qoymaq üçün razılaşmanın bir hissəsi olaraq onları sağ qaytarmamaqda günahlandırırlar. Belə bir razılaşma ilə bağlı danışıqlar aylarla uzanır.

Netanyahu bildirib ki, İsrail girovları "soyuqqanlıqla" öldürdüyünə görə HƏMAS-ı məsuliyyətə cəlb edəcək və "girovları öldürənlər razılaşma əldə etmək istəmir".

Netanyahu Həmas liderlərinə "sizi ovlayacaq, sizi tutacaq və hesabı kəsəcəyik" deyib.

Oktyabrın 7-də HƏMAS-ın müharibəyə səbəb olan hücumu zamanı silahlı şəxslər 23 yaşlı Herş Qoldberq-Polini və digər 4 nəfəri İsrailin cənubunda keçirilən musiqi festivalında girov götürüb.

Kaliforniyanın Berkli sakini qumbaraatan hücumu zamanı sol qolunun bir hissəsini itirib. Aprel ayında HƏMAS tərəfindən yayımlanan videoda onun sağ, lakin sol əlinin olmadığını göstərilib. Bu, İsraildə hökuməti girovları azad etmək üçün daha çox işlər görməyə çağıran yeni etirazlara səbəb olub.

Ordu digər girovların 25 yaşlı Ori Danino, 24 yaşlı Eden Yeruşalmi, 27 yaşlı Almoq Sarusi, və 33 yaşlı Aleksandr Lobanov olduğunu bildirib. Altıncısı, 40 yaşlı Karmel Qat yaxınlıqdakı Be'eri əkinçiliyindən qaçırılıb.

Cəsədlərin Qəzzanın cənubundakı Rəfah şəhərində, keçən həftə digər girov, 52 yaşlı Qaid Farxan Əlkadinin salamat xilas edildiyi yerdən təxminən bir kilometr uzaqlıqdakı tuneldən çıxarıldığı bildirilib.

Ordu sözçüsü podpolkovnik Nadav Şoşani bildirib ki, ordu bölgədə girovların olduğuna inanır, lakin konkret kəşfiyyat məlumatlarına malik deyil. Onun sözlərinə görə, İsrail qüvvələri cəsədləri yerin onlarla metr altında tapıblar, lakin tunelin özündə heç bir atışma olmayıb. O bildirib ki, HƏMAS-ın onları öldürdüyünə heç bir şübhə yoxdur.

HƏMAS girovlarn azadlığı müqabilində müharibənin dayandırılması, İsrail qoşunlarının çıxarılması və çoxlu sayda fələstinli məhbus, o cümlədən militantların azadlığa buraxılsını etməyi təklif edib.