Məhkəmə "Telegram" messencerini qadağan olunmuş məlumatları silmədiyinə görə cəzalandırıb
Moskvanın Taqanski Məhkəməsi "Telegram" messencerini qadağan olunmuş məlumatları silmədiyinə görə cərimələyib.

Bu barədə paytaxtın ümumi yurisdiksiya məhkəmələrinin rəsmi "Telegram" kanalına məlumat yerləşdirilib.

Messenger İnzibati Xətalar Məcəlləsinin 13.41-ci maddəsinin 2-ci hissəsinin tələblərini pozmaqda təqsirli bilinib. Sosial şəbəkə Rusiya qanunvericiliyinə uyğun olaraq silinməli olan məlumatların məhdudlaşdırılması və ya silinməsi sahəsində öz öhdəliklərini yerinə yetirməyib.

Məhkəmə "Telegram"a 4 milyon rubl (63 min 848 AZN) məbləğində cərimə kəsib.

Noyabrda messencer 7 milyon rubl cərimə olunmuşdu.