“Ermənistan səması yiyəsiz qalıb”

7-12-2024, 16:18           
“Ermənistan səması yiyəsiz qalıb”
Ermənistanda nəşr olunan “Hraparak” qəzeti yerli sakinlərə istinadən yazıb ki, ölkənin havadan müdafiə qüvvələri son bir neçə gündə Türkiyə və Azərbaycana məxsus PUA-lar aşkarlayıblar. Tribunainfo.az xəbər verir ki, erməni nəşri Türkiyə və Azərbaycanla sərhəddə belə halların mütəmadi olaraq baş verdiyini iddia edib.

Qəzet yazıb ki, “Son zamanlar Azərbaycan və Türkiyəyə məxsus PUA-lar mütəmadi olaraq Ermənistan ərazisi üzərindən uçuşlar həyata keçirərək, dövlət sərhəddini pozurlar”.

“Hraparak” hərbi mənbələrə də baş vurub. “Hərbi Hava Qüvvələrinin sərhəd üzrə rəsmiləri PUA-ların vurulması ilə bağlı yuxarı dairələrə müraciət etsələr də, buna rədd cavabı verilib”.

Erməni nəşri sonda yazıb: “Ermənistan səması yiyəsiz qalıb. Gələn-gedənə nə baxan var, nə söz deyən”.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru